ប្រព័ន្ធប្រតិបត្តិការ Windows ពីពេលថ្មីៗនេះ ត្រូវបានគេរាយការណ៍មកថា ឥឡូវនេះ បានចាប់ធ្វើការលើគម្រោងបង្កើតប្រព័ន្ធប្រតិបត្តិការចំនួន ២ផ្សេងគ្នាទៀតហើយ នោះគឺ Windows Blue និងមួយទៀតជា Windows 9។ នេះបើផ្អែកតាមការចុះផ្សាយពីគេហទំព័រ softpedia ព្រឹកមិញ។
បើតាមគេហទំព័រ ZDNet ចុះផ្សាយពីពេលថ្មីៗនេះ បានឱ្យដឹងថា Windows Blue និង Windows 9 បានចាប់ផ្ដើមចាប់បដិសន្ធិបន្តិចម្ដងៗហើយ។ ខណៈពេលនេះគេល្បីថា នឹងចេញ Windows Blue ទៀតនាអំឡុងឆ្នាំ២០១៣នេះ ដែលជា version OS ថ្មីបានធ្វើការ upgrade លើ Windows 8 ដោយ update លើកម្មវិធីមួយចំនួនដូចជា៖ Internet Explorer, Hotmail, SkyDrive, Windows Phone និង Windows Server។Windows Blue នេះនឹងមិនមែនជាប្រភេទ standalone OS នោះទេ គឺសម្រាប់តែ Update ទៅលើ Windows 8 ដែលបានប្រើរួចប៉ុណ្ណោះ។ គេរំពឹងថា Microsoft នឹងលក់ Windows Blue នៅលើ Windows Store បានយ៉ាងរលូនជាមួយកម្រិតគុណភាពការងារបានល្អ ដោយបានធ្វើកំណែប្រែលើ WP8 ចាស់។
មួយទៀតគឺ Windows 9 គ្រាន់តែឮវាហាក់ដូចជាលឿនពេកទៅហើយ នៃគំលាតប្រព័ន្ធប្រតិបត្តិការ Windows របស់ Microsoft ព្រោះថាក្រុមហ៊ុន Software ដ៏ធំមួយនេះ ទើបតែចេញ នៅថ្ងៃទី២៦ តុលាឆ្នាំមុនសោះ ស្រាប់តែពេលនេះ មានលេចឮព័ត៌មានថានឹងមាន Windows 9 ទៀតទៅហើយ។ វាជាប្រភេទ standalone OS ខុសពី Windows Blue ដែលប្រើសម្រាប់តែ upgrade លើ Windows 8 ប៉ុណ្ណោះ។
គេរំពឹងថា Windows Blue នឹងសម្រេចបើកសម្ពោធនៅអំឡុងឆ្នាំ២០១៣នេះហើយ រីឯ Windows 9 វិញហាក់ដូចជាស្ងាត់ឈឹងអំពីកាលបរិច្ឆេទប្រកាស។
No comments:
Post a Comment