សូមអរគុណចំពោះការរង់ចាំរបស់ប្រិយមិត្តមិនខុសទៅនឹងអ្វីដែល បានសន្យា ថ្ងៃនេះលោកអ្នកនឹងបានដឹងពីរបៀបដែលធ្វើការដំឡើងកម្មវិធីបាន Backup ពី Firefox និងដំឡើងពួកវាឡើងវិញដោយមិនចាំបាច់ប្រើអ៊ីនធឺណិត ។ តាមពិតទៅរបៀបដំឡើងកម្មវិធីដែលបាន Backup ទៅលើ Firefox វិញគឺវាមានភាពងាយស្រួលណាស់បានន័យថាវាមានលក្ខណដូចគ្នាទៅ នឹង ការប្រើប្រាស់ប្រចាំថ្ងៃរបស់លោកអ្នក ។ ដូច្នេះដើម្បីជ្រាបពីការដំឡើងសូមធ្វើការតាមដាននិងអនុវត្តន៍ នូវរបៀបដែលបានបង្ហាញខាងក្រោម ។ របៀបដំឡើងកម្មវិធីបន្ថែមឲ្យ Firefox ដោយមិនចាំបាច់មានអ៊ីនធឺណិត៖
- បើកកម្មវិធី Firefox របស់អ្នកឡើង
- រួចសូមធ្វើការចុចក្ដារចុចរបស់អ្នកនូវគ្រាប់ Ctrl + O
- បន្ទាប់មកសូមចូលទៅកាន់កន្លែងដែលអ្នកបានរក្សាកម្មវិធីនោះ ទុក និងចុចលើកម្មវិធីដែលត្រូវដំឡើងនោះចំនួនពីរដង ឬ ចុចលើ button Open ដើម្បីបើក
- ចុចលើ button “Install Now” រួចរង់ចាំមួយរយៈ
- ពេលដែលកម្មវិធីត្រូវបានដំឡើងរួចរាល់នឹងមានសារមួយ មានដាក់ button “Restart Now” បានន័យថាអ្នកបានដំឡើងវារួចរាល់ហើយ ដូចនេះអ្នកអាចចុចលើ button នោះឬមិនចុចក៏បាន