ទស្សនា​វីឌីអូ Youtube ជា​មួយ​អ៊ីនធឺណិត​យឺត​

បច្ចុប្បន្ន​មាន​ចំនួន​អ្នក​ប្រើ​អ៊ីនធឺណិត​មិន​តិច​នាក់​ទេ​ ដែល​​​ជួន​នឹង​បញ្ហា​ជា​មួយ​ល្បឿន​អ៊ីនធឺណិត​ដើរ​យឺត ​ហើយ​បញ្ហា​ដែល​​​រឹត​តែ​លំបាក​នោះ​គឺ​ពេល​ចូល​ទស្សនា​វីឌីអូ​នៅ​លើ Youtube ​ដែល​​ស្ទើរ​តែ​មិន​អាច​ទស្សនា​ទៅ​រួច​ ។ដូច​នេះ​​ ​សម្រាប់​​ប្រិយ​មិត្ត តើ​​​មាន​ជួប​នូវ​​​​​​បញ្ហា​មួយ​ចំនួន​​​ដូច​​​​ការ​រៀប​រាប់​ខាង​លើ​ឬ​ទេ​ ? ប្រសិន​បើ​ប្រិយ​មិត្ត​​ជួប​នូវ​បញ្ហា​ខាង​លើ​ សូម​ធ្វើ​​ការ​ប្ដូរ​ទៅ​កាន់​វិធី​សាស្ត្រ​ថ្មី​ដើម្បី​ទស្សនា​វីឌីអូ​លើ​ Youtube វិញ​ម្ដង ។ ខាង​ក្រោម​គឺ​ជា​វិធី​​មួយ​ដែល​អាច​ជួយ​ឲ្យ​ប្រិយ​មិត្ត​ទស្សនា​វីឌីអូ​លើ Youtube  បាន​ដោយ​ល្បឿន​លឿន​ជាង​មុន​ជា​មួយ​នឹង​​ប្រព័ន្ធ​​​អ៊ីនធឺណិត​ដែល​មាន​ល្បឿន ​យឺត ។

Youtube Feather Beta ជា​មុខ​ងារ​មួយ​ដែល​អាច​ធ្វើ​ការ​ទាញ​​​យក​វីឌីអូ​ Youtube របស់​អ្នក​មក​បង្ហាញ​ជា​មួយ​នឹង​ល្បឿន​លឿន​ជាង​​​​ការ​ទស្សនា​បែប​ធម្មតា ។
រូប​ទី ១​ :

​នៅ​ក្នុង​មុខ​ងារ​ពិសេស​នេះ​ Youtube Feather Beta នឹង​​លុប​ចេញ​នូវ​ព័ត៌មាន​​​​ក៏​ដូច​ជា​មុខ​ងារ​មួយ​ចំនួន​ដែល​ធ្វើ​ឲ្យ​ វីឌីអូ​​មាន​ល្បឿន​យឺត ដូច​ជា Share buttons, តារាង Large list នៃ​​វីឌីអូ​ជាប់​ពាក់​ព័ន្ធ​, comments (មតិ​), ការ​ផ្ដល់​ជា​សំឡេង​ Like  និង Dislike ។ តាម​រយៈ​មុខងារ​ខាង​លើ​របស់ Youtube Feather Beta​ វីឌីអូ ​Youtube ដែល​ប្រិយ​មិត្ត​​ទស្សនា​​នឹង​លោត​ឬ​ដើរ​បាន​លឿន​ជា​ការ​ទស្សនា​មុនៗ​ ។
រូប​ទី ២​ :

ដើម្បី​ចូល​ទៅ​​ទស្សនា​វីឌីអូ​ Youtube ឲ្យ​មាន​ល្បឿន​លឿន​សូម​​ធ្វើ​ការ​ចូល​ទៅ​កាន់​គេហទំព័រ Youtube តាម​រយៈ​តំណ​ភ្ជាប់​​នៃ​មុខងារ “Youtube Feather Beta”​ ដោយ​ចុច​ត្រង់​នេះ​ Youtube Feather Beta  ។  បន្ទាប់​មក​សូម​ប្រិយ​មិត្ត​ចុច​លើ​ពាក្យ Join the “Feather” Beta​ ​ ​ដូច​រូប​ទី ១ ខាង​លើ នោះ​មុខ​ងារ​នេះ​នឹង​ដំណើរ​ការ​ដោយ​​ស្វ័យ​ប្រវត្តិ​​ បន្ទាប់​មក​ទៀត​សូ​ធ្វើ​ការ​​កម្សាន្ត​​ដោយ​​​​ស្វែង​រក​នូវ​វីឌីអូ​ដែល​ អ្នក​ចង់​ទស្សនា​​​​​ដោយ​ក្ដី​រីក​រាយ​​ ៕